Lokahóf KFÍA fór vel fram í Frístundamiðstöðinni

Tjörvi Guðjónsson • September 29, 2019

Lokahóf meistaraflokka og 2. flokks karla og kvenna fór fram um helgina í Frístundamiðstöðinni hjá Golfklúbbnum Leyni. Heppnaðist hófið vel undir styrkri stjórn Hallgríms Ólafssonar , Halla Melló, sem sá um veislustjórn auk þess sem hann spilaði og söng fyrir gesti af sinni alkunnu snilld. Eftirtaldir leikmenn fengu verðlaun:


Mfl.kk

Bestur: Óttar Bjarni Guðmundsson
Besti ungi leikmaðurinn: Jón Gísli Eyland Gíslason

Mfl.kvk
Best: Fríða Halldórsdóttir
Besti ungi leikmaðurinn: Dagný Halldórsdóttir

Bestu leikmenn að mati stuðningsmanna
Bestur: Óttar Bjarni Guðmundsson
Best: Fríða Halldórsdóttir

Bestu leikmenn að mati ÍA TV
Bestur: Hörður Ingi Gunnarsson
Best: Fríða Halldórsdóttir

2.fl.kk
Bestur: Sigurður Hrannar Þorsteinsson
Besti ungi leikmaðurinn: Eyþór Aron Wöhler
Kiddabikarinn, fyrirmyndarleikmaður ársins: Benjamín Mehic

2.fl.kvk
Best: Anna Þóra Hannesdóttir
Besti ungi leikmaðurinn: Selma Dögg Þorsteinsdóttir
TM-bikarinn, fyrirmyndarleikmaður ársins: Aníta Ólafsdóttir

Leikjaviðurkenningar

350 leikir
Arnar Már Guðjónsson

250 leikir
Árni Snær Ólafsson
Ólafur Valur Valdimarsson

200 leikir
Einar Logi Einarsson

150 leikir
Arnór Snær Guðmundsson
Albert Hafsteinsson
Steinar Þorsteinsson

100 leikir
Stefán Teitur Þórðarson

Dómaraverðlaun
Adolphsbikarinn: Gilmar Þór Benediktsson


Óttar Bjarni Guðmundsson var valinn besti leikmaður og Jón Gísli Eyland Gíslason efnilegasti leikmaður meistaraflokks karla. Óttar Bjarni var líka valinn leikmaður ársins af stuðningsmönnum

Fríða Halldórsdóttir var valinn besti leikmaður og Dagný Halldórsdóttir efnilegasti leikmaður meistaraflokks kvenna. Fríða var einnig var leikmaður ársins af stuðningsmönnum

Hörður Ingi Gunnarsson og Fríða Halldórsdóttir voru valin leikmenn ársins af ÍATV

Sigurður Hrannar Þorsteinsson og Anna Þóra Hannesdóttir voru valin bestu leikmenn 2. flokks karla og kvenna

Eyþór Aron Wöhler og Selma Dögg Þorsteinsdóttir voru valin efnilegustu leikmenn 2. flokks karla og kvenna

Benjamín Mehic fékk Kidda-bikarinn

Arnar Már Guðjónsson með viðurkenningu fyrir 350 leiki með meistaraflokk karla

Ólafur Valur Valdimarsson með viðurkenningu fyrir 250 leiki fyrir meistaraflokk karla

Einar Logi Einarsson með viðurkenningu fyrir 200 leiki fyrir meistaraflokk karla

Arnór Snær Guðmundsson með viðurkenningu fyrir 150 leiki fyrir meistaraflokk karla

Albert Hafsteinsson með viðurkenningu fyrir 150 leiki fyrir meistaraflokk karla

Steinar Þorsteinsson með viðurkenningu fyrir 150 leiki og Stefán Teitur Þórðarson með viðurkenningu fyrir 100 leiki með meistaraflokk karla

Félagsfundur um vallarmál

By Páll Guðmundur Ásgeirsson • April 25, 2025
Félagsfundur um vallarmál KFÍA á Jaðarsbökkum. Á aðalfundi félagsins sem haldinn var í febrúar síðastliðnum var samþykkt að boða til sérstaks félagsfundar um vallarmál KFÍA á Jaðarsbökkum. Fundurinn verður haldinn í hátíðarsalnum á Jaðarsbökkum, þriðjudaginn 29. apríl kl. 18:00. Dagskrá fundar: 1. Ávarp stjórnar KFÍA 2. Ávarp formanns bæjarráðs 3. Samantekt áhugahóps um íþróttasvæðið á Jaðarsbökkum. 4. Umræður og fyrirspurnir

Heiðursviðurkenningar KFÍA á síðari hluta ársfundar 2024

By Sverrir Már Smárason • February 20, 2025
Friðþjófur Helgason, Magnea Guðlaugsdóttir og Halldór Fr. Jónsson.

Aðalfundur KFÍA 2025

By Ingimar Elí Hlynsson • February 13, 2025
Aðalfundur Knattspyrnufélags ÍA verður haldinn mánudaginn 17. febrúar nk. kl. 20:00 í fundarsalnum í Íþróttamiðstöðinni að Jaðarsbökkum. Dagskrá verður skv. 8. grein laga félagsins sem finna má á heimasíðunni. Stjórn Knattspyrnufélags ÍA samþykkti ársreikning félagsins á stjórnarfundi 11. febrúar sl. og má finna slóð á hann hér að neðan. Ársreikningurinn verður borinn upp til samþykktar á aðalfundi sem og meðfylgjandi rekstraráætlun fyrir árið 2025. Þá er einnig birt ársskýrsla Knattspyrnufélags ÍA fyrir starfsárið 2024. Ársskýrsla 2024 Ársreikningur 2024 til samþykktar á aðalfundi Rekstraráætlun 2025

Síðari hluti aðalfundar KFÍA 2024

By Sverrir Már Smárason • February 5, 2025
Mánudaginn 17. febrúar nk. kl. 20 í hátíðarsalnum í Íþróttamiðstöðinni að Jaðarsbökkum

Dregið hefur verið í Happdrætti KFÍA

By Páll Guðmundur Ásgeirsson • January 8, 2025
Hér að neðan sjást vinningsnúmer í Happdrættinu

Jólahappdrætti KFÍA

By Páll Guðmundur Ásgeirsson • December 16, 2024
Jólahappdrætti Knattspyrnufélags ÍA er farið af stað! Sögulegt verðmæti vinninga er 2.704.398kr. Samtals verður dregið um 60 vinninga, 30 frábærir stakir vinningar og 30 veglegir pakkavinningar. Miðinn kostar litlar 2.500 kr og það er til mikils að vinna. Dregið úr seldum miðum á þrettándanum, 6. Janúar 2025. Við þökkum öllum kærlega fyrir stuðninginn. Áfram ÍA Hér má sjá uppfærða vinningaskrá!

Fyrri hluti aðalfundar Knattspyrnufélags ÍA

By Páll Guðmundur Ásgeirsson • October 29, 2024
Á aðalfundi félagsins í febrúar var tekin ákvörðun um að halda aðalfund í tvennu lagi, fyrri hluta aðalfundar fyrir 15. nóvember ár hvert og síðari hluta aðalfundar fyrir 20. febrúar ár hvert. Fyrri hluti aðalfundar Knattspyrnufélags ÍA verður haldinn miðvikudaginn 13. nóvember nk. kl. 20 í fundarsalnum í Íþróttamiðstöðinni að Jaðarsbökkum. Dagskrá verður skv. 8. grein laga félagsins sem má sjá á heimasíðu félagsins og er þessi: Kosning fundarstjóra og fundarritara​ Farið yfir helstu lykiltölur og lýsandi tölfræði sumarsins í innra og ytra starfi félagsins​ Kosning formanns stjórnar (annað hvert ár).​ (Kosning í ár) Kosning fjögurra manna í stjórn til tveggja ára sömu ár og formaður stjórnar er kosinn ,en þriggja manna auk formanns barna- og unglingaráðs þau ár sem formaður stjórnar er ekki kosinn.​ (Kosið um fjóra í stjórn og um formann barna- og unglingaráðs þar sem formaður er að taka við stöðu framkvæmdastjóra félagsins) Kosning formanns barna- og unglingaráðs (annað hvert ár).​ Kosning þriggja manna í barna- og unglingaráð til tveggja ára sömu ár og formaðurráðsins er kosinn, en þriggja manna þau ár sem formaður ráðsins er ekki kosinn. ​ (kosið um þrjá í ráðið, eingöngu verið að kjósa formann vegna breytinga) Þjálfarar meistaraflokka gera upp ný yfirstaðið tímabil​ Formaður barna- og unglingaráðs/Yfirþjálfari yngriflokka fer yfir starf og árangur yngri flokka sumarsins og framkvæmd Norðurálsmótsins​ Önnur mál.​ Að loknum fyrri hluta aðalfundar skal aðalfundi frestað til síðari hluta hans.

Nýr Framkvæmdarstjóri

By Páll Guðmundur Ásgeirsson • August 10, 2024
Framkvæmdastjóraskipti hjá Knattspyrnufélagi ÍA Eyjólfur Vilberg Gunnarsson framkvæmdastjóri KFÍA, hefur sagt starfi sínu lausu vegna flutninga erlendis í lok tímabils. Nýr framkvæmdastjóri hefur verið ráðinn til félagsins, Ingimar Elí Hlynsson. Ingimar Elí kemur frá Icelandair þar sem hann hefur starfað sem sölustjóri. Hann hefur lokið BS námi í sálfræði & viðskiptafræði með áherslu á mannauðstjórnun. Ingimar Elí þekkir félagið vel en hann hefur m.a. starfað sem, leikmaður, þjálfari, setið í aðalstjórn og tók við hlutverki formanns barna- og unglingaráðs nú í vor. Ingimar Elí mun hefja störf hjá félaginu þann 1. desember þegar störfum hans lýkur hjá núverandi vinnuveitanda. Eggert Herbertsson, formaður Knattspyrnufélags ÍA; „Ég vil fyrir hönd Knattspyrnufélags ÍA þakka Eyjólfi fyrir gott samstarf og frábært starf þessi tvö tímabil og óska honum velfarnaðar í næstu verkefnum. Einnig vil ég bjóða Ingimar Elí velkominn til starfa. Ingimar hefur starfað í stjórn félagsins og þekkir það vel og verður lykilmaður í spennandi verkefnum félagsins á næstu misserum“ Eyjólfur Vilberg Gunnarsson: „Undanfarin tvö tímabil hafa verið lærdómsrík, árangursrík og skemmtileg. Félagið er á góðum stað í því uppbyggingarferli sem unnið er að og á ég von á að afrakstur þess komi í ljós á næstu árum. Ég hef kynnst mörgu afar duglegu og góðu fólki sem leggur mikið til félagsins og fundið hvernig hjarta Skagamanna slær. Ég er þakklátur fyrir þennan góða tíma og hlakka til að fylgjast með félaginu í framtíðinni. Áfram ÍA!“ Ingimar Elí Hlynsson „Ég er afar þakklátur fyrir það traust sem mér er sýnt af stjórn Knattspyrnufélags ÍA. Það eru mjög spennandi og metnaðarfull áform framundan sem ég er spenntur fyrir að vinna að ásamt öflugum hópi fólks sem kemur að starfi félagsins.“

Gullmerki ÍA

By Páll Guðmundur Ásgeirsson • February 28, 2024
Gullmerki ÍA Guðjón Þórðarson hlýtur gullmerki fyrir frábært framlag hans til knattspyrnunnar á Akranesi. Guðjón er margfaldur Íslands og bikarmeistari með ÍA sem leikmaður og þjálfari. Hann lék 392 leiki og skoraði 16 mörk ásamt því að þjálfa liðið til margra ára. Eins og allir vita þá kom Guðjón liðinu upp úr 1.deild árið 1991 og gerði liðið að Íslandsmeisturum árið eftir, sem má teljast einstakt afrek. Lið ÍA frá árinu 1993 var svo á dögunum valið besta lið síðustu 40 ára í íslenskri knattspyrnu á Vísi, lið sem gjör sigraði Íslandsmótið og sigraði einnig bikarkeppnina sama ár og var liðið kallað í grein á Vísi “hinir ósnertanlegu”. Á listanum á Guðjón tvö ÍA lið á topp 10 en liðið frá 1996 var einnig á listanum, sem varð einnig tvöfaldur meistari.  Guðjón hefur staðið öðrum þjálfurum framar á Íslandi í áraraðir og þótti brautryðjandi í þjálfun. Hann hefur sýnt árangur sem erfitt er að leika eftir. Það er sannur heiður að heiðra Guðjón með gullmerki fyrir hans frábæra framlag til knattspyrnunnar á Akranesi

Heiðurmerki ÍA

By Páll Guðmundur Ásgeirsson • February 28, 2024
Heiðursviðurkenning KFÍA: Áslaug Ragna Ákadóttir Áslaug hóf ung að leika knattspyrnu fyrir ÍA og varð síðar einn af lykil leikmönnum liðsins um árabil. Hún sýndi snemma mikla knattspyrnuhæfileika og var áberandi upp alla yngri flokkana. Áslaug varð Íslandsmeistari með 2. og 3.flokki og lék hún sinn fyrsta meistaraflokksleik með ÍA árið 1993 og varð hún bikarmeistari með liðinu það sama ár. Áslaug lék 149 leiki og skoraði 98 mörk fyrir ÍA. Hún var fasta maður í yngri landsliðum Íslands, þar af spilaði hún 8 leiki með U 21 árs liðinu. Áslaug hefur einnig starfað fyrir félagið sem þjálfari yngri flokka ásamt því að hafa setið í stjórnum og ráðum á vegum félagsins. Skemmtilegt að segja frá því að myndin er af þeim mæðgum, Áslaugu og Bryndísi Rún frá árinu 2014 þar sem þær tóku báðar þátt í leik í Lengjubikar og svo síðar sama ár í leik í Pepsi deildinni þar sem Áslaug kom inná fyrir Bryndísi. Það er sönn ánægja að veita Áslaugu heiðursviðurkenningu KFÍA og þakka Áslaugu fyrir hennar framlag til Knattspyrnufélags ÍA.
Show More