Unnur Ýr semur áfram við félagið

Unnur Ýr Haraldsdóttir hefur samið á ný við Knattspyrnufélag ÍA og mun leika með meistaraflokki í 1. deildinni sumarið 2018.

Unnur Ýr hefur leikið með meistaraflokki kvenna frá árinu 2009 að undanskyldu tímabilinu 2016. Hún hefur leikið 114 leiki og skorað í þeim 33 mörk.

Við hjá KFÍA fögnum þessum nýja samningi og trúum því að Unnur Ýr styrki liðið mikið í baráttunni um 1. deildina í sumar.