Skagamenn í U15 landsliðinu

U15 ára landslið karla mun leika tvo æfingaleiki gegn Færeyjum hér á landi um næstu helgi. Fyrri leikurinn fer fram í Egilshöll, föstudagskvöldið 27. október, kl. 20:00. Sá síðari fer fram hér í Akraneshöllinni, sunnudaginn 29. október, kl. 14:00.

Við Skagamenn eigum fjóra fulltrúa í leikmannahópnum, þá Árna Salvar Heimisson, Hákon Arnar Haraldsson, Ísak Bergmann Jóhannesson og Jóhannes Breka Harðarson.

Við óskum drengjunum til hamingju með tækifærið og treystum því að þeir verði sjálfum sér og félaginu til mikils sóma í þessu verkefni.