Skagamenn fá Fram í heimsókn í Inkasso-deildinni

Meistaraflokkur karla fær Fram í heimsókn í 16. umferð Inkasso-deildarinnar á morgun, þriðjudag. Leikurinn fer fram á Norðurálsvellinum og hefst kl. 18:00. Eimskip er styrktaraðili þessa leiks og þökkum við þeim fyrir stuðninginn.

Skagamenn eru komnir á topp Inkasso-deildarinnar en Framarar sigla lygnan sjó um miðja deildina. Því er nauðsynlegt að ná sigri svo ÍA festi sig í sessi í efsta sæti deildarinnar.

Við hvetjum Skagamenn til að mæta á völlinn á morgun og styðja strákana til sigurs gegn Fram.