ÍA heimsækir Fylki í Árbæinn í Inkasso-deild kvenna

Meistaraflokkur kvenna heimsækir Fylki í Inkasso-deildinni á morgun, laugardag. Leikurinn hefst kl. 14:00 og fer fram á Fylkisvellinum.

Skagastelpur hafa byrjað tímabilið ágætlega og eru í efri hluta deildarinnar með níu stig, jafnmörg stig og lið Fylkis. Því er ljóst að bæði lið munu leggja allt undir til að ná þremur stigum á morgun.

Við hvetjum Skagamenn til að leggja upp í ferð á morgun á Fylkisvöllinn og styðja stelpurnar til sigurs.