Helena Ólafsdóttir og Aníta Lísa Svansdóttir verða áfram þjálfarar mfl kvenna

Knattspyrnufélag ÍA hefur ákveðið að endurnýja samkomulag við Helenu Ólafsdóttur og Anítu Lísu Svansdóttur um að halda áfram sem þjálfarar hjá mfl kvenna en þær hafa verið þjálfarar liðsins síðustu tvö keppnistímabil. Helena hefur verið þjálfari liðsins og Aníta hefur verið aðstoðarþjálfari. 

Árangur liðsins í sumar var mjög góður en ÍA endaði í þriðja sæti í Inkasso-deildinni með 40 stig. Liðið missti naumlega af því að fara upp í efstu deild. Í fyrra endaði ÍA í fimmta sæti 1. deildarinnar með 27 stig svo liðið hefur tekið miklum framförum á þessum tveimur árum. 

Að sögn Unnar Ýrar Haraldsdóttur, sem er fyrirliði ÍA, þá er hún mjög ánægð með að það eigi að semja áfram við Helenu og Anítu Lísu um að halda áfram með liðið.