Fréttatilkynning frá Knattspyrnufélagi ÍA

Knattspyrnufélag ÍA hefur ráðið Ármann Smára Björnsson sem aðstoðarþjálfara mfl.karla ÍA. Einnig munu þeir Þórður Guðjónsson og Sigurður Jónsson koma til með að aðstoða nýráðinn þjálfara mfl.karla Jón Þór Hauksson í þeim verkefnum sem framundan eru.

“Ég er mjög ánægður með þessa niðurstöðu því þetta eru reynslumiklir menn með mikinn karakter. Það er mikilvægt fyrir okkur að þeir svöruðu kallinu fljótt og vel. Allir með Skagahjartað á réttum stað og tilbúnir að hjálpa liðinu.” segir nýráðinn þjálfari liðsins Jón Þór Hauksson.